Dekabrın 16-sı mərhum şair, əməkdar mədəniyyət işçisi, Azərbaycan Dövlət mükafatı laureatı Tofiq Bayramın 80 illik yubileyidir.

1934-cü ildə Bakıda anadan olan Tofiq Bayram Azərbaycan Pedaqoji İnstitutunu bitirib. “Azərbaycan müəllimi” qəzeti redaksiyasında şöbə müdiri, Azərbaycan Dövlət Televiziya və Radio Verilişləri Komitəsində ədəbi işçi, Dövlət Opera və Balet Teatrında ədəbi hissə müdiri, “Ulduz” jurnalı redaksiyasında, “Ədəbiyyat və incəsənət” qəzeti redaksiyasında şöbə müdiri, “Yazıçı” nəşriyyatında baş redaktor müavini işləyib. Onlarla şeir və tərcümə kitabının müəllifidir.

1991-ci il aprelin 18-də vəfat edən şair Bakının Əmircan kəndində dəfn olunub.