Diasporla İş üzrə Dövlət Komitəsinin sədri Nazim İbrahimov və komitənin əməkdaşları Dünya Azərbaycanlılarının Həmrəyliyi Günü münasibəti ilə Fəxri Xiyabanda Heydər Əliyevin və akademik Zərifə Əliyevanın məzarlarını ziyarət ediblər.
Komitə sədri Nazim İbrahimov jurnalistlərə açıqlamasında Azərbaycan diasporunun 2011-ci ildə daha təkmilləşdirilmiş şəkildə fəaliyyət göstərdiyini deyib, komitənin bir illik fəaliyyəti barədə danışıb.
Komitə sədri 2012-ci ilin dövlət büdcəsindən diaspor quruculuğu üçün 2011-ci illə müqayisədə 4 dəfə atıq vəsait ayrıldığını deyib.
N. İbrahimov onu da bildirib ki, qarşıdan gələn ildə Azərbaycan diasporu üçün çoxsaylı tədbirlərin keçirilməsi nəzərdə tutulur: “Bu bizə diaspor təşkilatlarının formalaşması, strukturlaşması işini daha da inamla həyata keçməyə imkan verəcək”.