Əfqanıstan polisi ölkənin şərqindəki Paktiya əyalətində 6 narkotik alverçisi saxlayıb. “RİA Novosti”-nin verdiyi xəbərə görə, saxlanılan şəxslərdən 11 ton narkotik maddə götürülüb.

Polis rəisinin sözlərinə görə, narkotik maddələr əvvəlcədən planlaşdırılmış xüsusi əməliyyat zamanı götürülüb. Aşkarlanan narkotik maddələrdən 1,85 tonu tiryək, qalanı isə həşişdir.

Son 2 il ərzində Paktiya əyalətində 80-dək narkotik alverçidi və 100 ton müxtəlif narkotik maddə götürülüb.

Əfqanıstanın narkotiklərlə mübarizə üzrə keçmiş nazir general Hodadəd bildirib ki, ABŞ və NATO ölkədə narkotik istehsalı ilə mübarizəyə 7,8 mlrd dollardır. Onun sözlərinə görə, son bir neçə ərzində narkotik maddələrin istehsalı nəinki azalıb, əksinə, xeyli artıb.