Fevralın 7-də Milli Gimnastika Arenasında ölkənin idman tarixində ilk dəfə olaraq aerobika gimnastikası üzrə Bakı çempionatı və birinciliyi keçiriləcək.

Azərbaycan Gimnastika Federasiyasından verilən məlumata görə, yarışlarda 2004-2006 və 2001-2003-cü il təvəllüdlü gimnastlar, həmçinin milli komandanın üzvləri – senior gimnastlar iştirak edəcəklər.

Gimnastlar fərdi, qarışıq cütlükdə və qrup hərəkətləri ilə çıxışlar nümayiş etdirəcəklər.

Beynəlxalq Gimnastika Federasiyasının rəhbərliyi altında inkişaf etdirilən gimnastikanın bir növü olan aerobika 1995-ci ildən mövcuddur. Azərbaycanda isə bu idman növü ötən ildən etibarən inkişaf etdirilməyə başlanılıb.