Respublikada son 3 gündə 42 yol qəzasında 20 nəfər həlak olub, 56 nəfər yaralanıb.

Respublika Baş Dövlət Yol Polisi İdarəsinin şöbə rəisi Kamran Əliyev bildirib ki, qeydə alınan qəzaların əksəriyyəti və ölüm hadisələrinin hamısı respublikanın rayonlarında və iri magistrallarında qeydə alınıb.

Əliyevin sözlərinə gprə, dekabrın 31-də 18 yol qəzası zamanı 9 nəfər ölüb, 23 nəfər xəsarət alıb.

Yanvarın 1-də 9 hadisədə 6 nəfər ölüb, 11 nəfər yaralanıb. Yanvarın 2-də isə 15 yol qəzası baş verib, nəticədə 5 nəfər ölüb, 22 nəfər xəsarət alıb.

Bayram günləri ölümlə nəticələnən yol qəzaları Hacıqabul, Oğuz rayonlarında və Bakı-Şamaxı yolunda qeydə alınıb.

Şöbə rəisinin sözlərinə görə, son 3 gündə Bakıda 9 yol qəzası zamanı ölüm qeydə alınmasa da, 9 nəfər müxtəlif dərəcəli xəsarət alıb.

Yol polisi sürücülərə diqqətli olmağı, avtomobilləri yüksək sürətlə və sərxoş vəziyyətdə idarə etməməyi tövsiyə edir.