Son illər Azərbaycanda istehsal olunan filmlərin keyfiyyəti nəzərə çapacaq dərəcədə artıb. Təkcə ötən il ərzində 52 film beynəlxalq kino festivallarında iştirak edib.

Bu barədə mədəniyyət və turizm naziri Əbülfəs Qarayev jurnalistlərə açıqlamasında bildirib. Nazir qeyd edib ki, bu istiqamətdə daha sürətli inkişafa nail olmaq üçün sakinlərin kinoya və kinoteatrlara marağını artırmaq vacibdir. Bunun üçün isə yeni kinoteatrların yaradılması zəruridir.