“İrəli” İctimai Birliyinin, “Bakı-2015” ilk Avropa Oyunlarının, Azərbaycan Velosiped İdmanı Federasiyasının (AzVİF) və Dövlət Bayrağı Meydanının təşkilatçılığı ilə 2 fevral - Azərbaycan Gənclər Günü münasibətilə “Gənclik veloyürüşü” keçirilib.

“İrəli” İctimai Birliyinin sədri Mirhəsən Seyidov bildirib ki, veloyürüşün məqsədi sağlam həyat tərzi ilə bağlı gənclər arasında təbliğat aparılması, gənclərin asudə vaxtının səmərəli təşkili və onlara Azərbaycan Gəncləri Gününün əhəmiyyətinin aşılanmasıdır. M.Seyidov “Bakı-2015” ilk Avropa Oyunlarının proqramına daxil olan velosiped idmanı növünün gənclər arasında təbliğinin önəmindən danışdı.

Dövlət Bayraq Meydanından başlayan “Gənclik veloyürüşü” Azadlıq Meydanında başa çatıb.

Veloyürüşdə peşəkar və həvəskarlardan ibarət 200 velosipedçi iştirak edib.