İŞİD terror qruplaşması əsir götürdüyü iordaniyalı pilot Muat əl Kəsasbehin edam səhnəsini əks etdirən kadrları yayıb.

Gazeta.ru-nun verdiyi xəbərə görə, bu barədə Frans Press məlumat yayıb.

Məlumata görə silahlılar girovu diri-diri yandırıb.

İnternetdə yerləşdirilmiş video çarxda silahlıların dəmir qəfəsə salınmış iordaniyalı pilotun üzərinə benzin tökərək diri-diri yandırması səhnəsi əks olunub.

Muat əl Kəsasbeh edam edildikdən sonra onun qalıqları ekskavator vasitəsilə basdırıb.

Qeyd edək ki, bundan əvvəl İŞİD girov götürdüyü 2 Yaponiya vətəndaşını edam edib. Terrorçular girov götürdüyü yaponların və iordaniyalı pilotun azad olunması üçün İordaniya həbsxanalarından 27 terrorçunun azad edilməsini tələb etmişdi.