200 000 əhalisi olan Qazaxıstanın Semey (Semipalatinsk) şəhəri dünyanın ən böyük şəhəri kimi adını Ginnesin Rekordlar kitabına yazdırmaq üçün müraciət edib. Bu barədə Today.kz xəbər verir. Semey şəhərindəki universitet tələbələrinin bu müraciəti əhali tərəfindən ruh yüksəkliyi ilə qarşılanıb. Şəhərin kənarındakı 27.500 kvadrat kilometr istifadəsiz ərazini də hesaba aldıqda Semey şəhərinin London, Nyu-York, Moskva, Dehli və Meksika şəhərlərinin ümumi sahəsindən böyük olduğu iddia edilir.