İran İnqilab Keşikçiləri Korpusunun (Sepah) komandiri, Rza Hüseyni Müqəddəm fevralın 7-də İraqın Samirə şəhərində öldürülüb.
İraq-Şam İslam Dövləti (İŞİD) qüvvələri ilə silahlı qarşıdurmada öldürülən Rza Hüseyni Müqəddəm İran-İraq arasındakı 8 illik müharibə zamanı “Ramazan” qərargahının komandirlərindən biri olub.

“Sepah” komandiri vəsiyyətinə uyğun olaraq İraqın Nəcəf şəhərində dəfn edilib.

“Sepah”ın bundan əvvəl də bir neçə komandiri, o sıradan da Həmid Təqəvi İŞİD qüvvələri ilə qarşıdurmada öldürülüb. İran dəfələrlə İraqın daxili işlərinə qarışdığını təkzib etsə də, “Sepah”ın İraqdakı hərbi qüvvələrinin fəaliyyəti barədə bir neçə video yayılıb.