Ötən gün İrəvanda Avetisyan ailəsini qətlə yetirmiş rusiyalı hərbçi Valeri Permyakovun Ermənistan hüquq-mühafizə orqanlarına təhvil verilməsi tələbi ilə növbəti aksiya keçirilib.

“news.am”ın verdiyi məlumata görə, Ermənistanın Baş Prokurorluğunun binası qarşısında baş tutan aksiyanın iştirakçıları cinayət işi üzrə istintaqın şəffaf keçirilməsi və Permyakovun Ermənistanın ədliyyə sisteminə təhvil veriləcəyi ilə bağlı hakimiyyətdən təminat istəyiblər.

Nümayişçilər adından respublikanın baş prokuroru Qevork Kostanyana məktub göndərilib.