İran İnqilab Keşikçiləri Korpusunun (Sepah) yüksək rütbəli komandiri Abbas Abdullahi və onu müşayiət edən qurumun digər üzvü Əli Sultan Muradi Suriyada öldürülüb. “Sepah”çılar fevralın 12-də öldürülsə də, bu barədə xəbər yenicə yayılıb.
Davam.az-ın GünAzTV mətbuat mərkəzinin məlumatına istinadən verdiyi xəbərə görə, İranın ən yaxşı sanayperlərindən biri olduğu vurğulanan “Sepah” komandiri Abbas Abdullahi və onu müşayiət edən dostu Əli Sultan Muradinin Suriya prezidenti Bəşər Əsəd rejiminə müxalif yaraqlı qruplarla silahlı qarşıdurmada öldürüldüyü bildirilir.

Son aylarda 20-ə yaxın “Sepah”çı, o sıradan da qurumun bir neçə komandiri Suriya hökumətinə qarşı mübarizə aparan silahlı qruplarla qarşıdurmada öldürülüb.