Tanınmış azərbaycanlı fəallar Həsən Raşidi və Əlirza Fərşi ETTELAAT-ın (İran Kəşfiyyat Nazirliyi) Kərəc şöbəsinə çağrılıb.
Azərbaycanlı fəalların ETTELAAT idarəsinə çağrılması Dünya Ana Dili Günü ərəfəsinə təsadüf edir. ETTELAAT-da adını çəkdiyimiz fəallar təhdid edilib. Onlara deyilib ki, hər hansı bir tədbirin təşkil olunması, mədəni fəaliyyət vəya Dünya Ana Dili Günü ilə bağlı keçirilə biləcək yığıncaqlardan uzaq olsunlar!

Qeyd edək ki, hər il azərbaycanlılar 21 Fevral Dünya Ana Dili Günü ilə bağlı müxtəlif mərasimlər keçirməyə cəhd edir. Lakin milli-mədəni fəallar əksər halda İran təhlükəsizlik qüvvələrinin kobud təzyiqinə məruz qalır. Keçən il Dünya Ana Dili Günü ərəfəsində Azərbaycanın müxtəlif şəhərlərində milli-mədəni fəallar təqib olundu, onlar kütləvi şəkildə yaxalanıb və təcridxanalara göndərildi.