Şrift:
Güləşçirəlimiz soydaşlarımız tərəfindən alqışlandı (Video)
22.02.2015 [11:18] - Güney Azərbaycan xəbərləri, İdman
Tehran stadionunda Azərbaycan coşğusu


Azərbaycanın yunan-Roma güləşi (firəngi güləş) üzrə yığması İranın paytaxtı Tehran şəhərində böyüklər arasında keçirilən yunan-Roma güləşi üzrə Dünya Kubokunun (cam-i cəhani) qalibi olub.
Azərbaycan güləşçiləri fevralın (february) 20-də finalda digər qrupun birincisi olmuş Rusiya yığması ilə qarşılaşıb. Gərgin keçən görüş 4:4 hesablı bərabərliklə tamamlanıb. Ancaq xalların (imtiyaz) keyfiyyətinə görə 18:17 hesabı ilə komandamızın (tim) xeyrinə başa çatıb. Bu nəticə ilə Azərbaycan yunan-Roma güləşçiləri tarixində ilk dəfə Dünya Kubokunun sahibi olub.

AZƏRBAYCAN-Rusiya 4*:4 (18:17)

59 kq - Elman Muxtarov - Z.Kabaloyev 2:3

66 kq - Həsən Əliyev - A.Surkov 5:1

71 kq - Rəsul Çunayev - Çingiz Labazanov 2:0

75 kq - Elvin Mürsəliyev - Roman Vlasov 0:8

80 kq - Rafiq Hüseynov - E.Saleyev 2:1

85 kq - İslam Abbasov - Davit Çakvetadze 5:0 (təmiz qələbə)

98 kq - Orxan Nuriyev - Nikita Melnikov 0:5

130 kq - Sabah Şəriəti - S.Semyonov 1:2

Qeyd edək ki, yarışda Azərbaycanla yanaşı, İran, İsveç (Sued), Almaniya, Rusiya, Macarıstan, Türkiyə və Ermənistan güləşçiləri də iştirak edib. Püşkatmanın nəticəsinə əsasən, Azərbaycan güləşçiləri İran, İsveç və Almaniya komandaları ilə A qrupunda mübarizə aparıb. B qrupunda isə, Rusiya, Macarıstan, Türkiyə və Ermənistan komandaları qüvvələrini sınayıb. İlk olaraq yerli İran idmançıları (vərzişkar) ilə qarşılaşan güləşçilərimiz gərgin keçən görüşü 6:2 hesablı qələbə ilə başa vurub. Ardınca Almaniya və İsveç komandalarını 7:1 məğlub edən yığmamız qrup görüşlərini lider tamamlayıb. Bu nəticə ilə Azərbaycanın yunan-Roma güləşi yığması Dünya Kubokunun finalına vəsiqə qazanıb.

Qeyd edək ki, Tehranda keçirilən müsabiqədə daha bir hadisə diqqət çəkib. Belə ki, stadionda tamaşaçılar qismində iştirak edən azərbaycanlılar gözlənilən kimi öz komandalarını yəni Azərbaycan Cümhuriyyətinin komandasını ardıcıl alqışlayıblar. Bu vəziyyət İranla Azərbaycan güləşçilərinin yarışı zamanı da dəyişməyib.

VİDEO:

Bu xəbər oxucular tərəfindən 785 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed