Astara rayonunun Motalayataq adlanan kəndində qarın hündürlüyü 80 sm-ə çatıb.

"DAVAM" Media Qrupu Hidrometeoroloji Proqnozlar Bürosuna istinadən bildirir ki Lənkəran-Astara bölgəsinə 73 sm qalınlığında qar düşüb. Fevralın 21-i gündüzdən 22-si səhərədək ölkə ərazisində hava şəraiti kəskin dəyişib, yağıntılı olub, sulu qar, qar yağıb və qeyri sabit hava şəraiti fevralın 23-ü səhərədək davam edəcək.

Respublika ərazisində ən çox qar örtüyü qeydə alınan ərazilər kimi aşağıdakıları göstərmək olar:

Rvarudda 73 sm, Kəlvəzdə 72 sm, Lerikdə 70 sm, Yardımlıda 67 sm, Neftçalada 49 sm, Salyanda 39 sm, Altıağacda 32 sm, Biləsuvarda 30 sm, Sarıbaşda (Qax) 25 sm, Xınalıqda 21 sm, Göytəpədə 20 sm, Qubada 19 sm, Göygöldə 10 sm, Neftçala, Lənkəranda 9 sm, Daşkəsəndə 8 sm, Ordubadda 4 sm, Gədəbəy, Astarada 2 sm, Şamaxı, Ağdərə, Şahbuz, Cəfərxanda 1 sm, Qubanın dağlıq ərazilərində 35-40 sm, Abşeron yarımadasında: Maştağada 9 sm, Bakıda 4 sm, təşkil etmişdir.