Güneydə Qərbi Azərbaycan məktəblərinin abadlaşdırma təşkilatının baş müdiri bildirib ki, bu vilayətin hazırda 5000 məktəbə ehtiyacı var.

Fəriborz İsməilzadə 3-cü gün jurnalistlərə deyib ki, “hazırda Qərbi Azərbaycanda klas problemi var. Xoşbəxtlikdən bölgəmizdə xeyriyyəçi insanların sayı çoxdur. Ona görə də, onların gücündən istifadə edib və məktəb problemlərini çöxmək olar.”

F.İsməilzadə daha bir diqqət çəkən məsələyə də toxunub. O vurğulayıb ki, “Əgər əhalinin dəstəyi və xeyriyyəçi insanların yardımı olmasa, sözü gedən klasların tikilməsi üçün 20 il gözləməliyik.” Onun sözləri göstərir ki, bölgə əhalisi dövlətin dəstəyinə ümid bəsləyə bilməz və bir çox problemi ancaq öz cəhdi nəticəsində çözməlidir. Bütün bunlar o halda baş verir ki, rejim bütün sanksiyalara baxmayaraq fars bölgələrində böyük projelər həyata keçirir.