Dünya Ana Dili Günü ərəfəsində yaxalanan 3 azərbaycanlı milli-mədəni fəal vəsiqə qarşılığında sərbəst buraxılıb.
Əmin Hacilu, Araz Xasse Təraş və İslam Əli Əkbərli fevralın 28-də hər biri 10 milyon tümənlik mülki vəsiqə qarşılığında azadlığa buraxılıb.

Xoy şəhərinin inqilab məhkəməsi azərbaycanlı fəalları milli təhlükəsizliyə qarşı fəaliyyət göstərmək və mədəni varlıqları təxrib etməkdə günahlandırıb.

Adını çəkdiyimiz fəallar fevralın 17-də yaxalanıb və bir gün saxlandıqdan sonra Xoy şəhərinin zindanına aparılmışdır. Onlar bundan öncə də mədəni fəaliyyətlərinə görə təhlükəsizlik orqanlarına çağırılıb və sorğu-suala tutulublar.