ABŞ Dövlət Departamentinin rəsmisi Viktoriya Nuland bütün dünya ölkələrini İranla bağlı mövqelərini açıq-aşkar ortaya qoymağa çağırıb.

O deyib ki, artıq bunun tam zamanı yetişib: “Dünya dövlətləri İranın təcrid vəziyyətdə saxlanılması üçün beynəlxalq qaydalara hörmət etməlidirlər”.

İran prezidenti Mahmud Əhmədinejadın Latın Amerikası ölkələrinə səfərinə də toxunan V. Nuland bildirib ki, hazırda beynəlxalq ictimaiyyətin təzyiqləri altında olan rəsmi Tehran özünə yeni müttəfiqlər axtarır və əlaqələrini genişləndirməyə çalışır: “Bizim Kuba və Venesuela ilə diplomatik əlaqələrimiz yoxdur. Ancaq Nikaraqua və Ekvadorla bununla bağlı müzakirələr aparacağıq”.