Oktyabrın 19-20-də Qazaxıstanda Türkdilli Dövlətlərin Əməkdaşlıq Şurasının (TDƏŞ) sammiti keçiriləcək. Bu barədə cümə axşamı Azərbaycanın sənaye və energetika naziri Natiq Əliyev Bakıda keçirilən Azərbaycan və Qazaxıstan iqtisadi əməkdaşlıq üzrə hökumətlərarası komissiyasının VIII iclasında deyib.

Onun sözlərinə görə, Azərbaycan və Qazaxıstan sammit çərçivəsində 9 saziş, o cümlədən dəniz və ticarət gəmiçiliyi sahəsində əməkdaşlıq haqqında saziş imzalayacaqlar. Hazırda hər iki ölkənin dövlət orqanları hazırlanmaqda olan saziş paketi çərçivəsində detalların yenidən işlənməsi istiqamətində işləri başa çatdırırlar.

Türkdilli Dövlətlərin Əməkdaşlıq Şurasının yaradılması haqqında saziş 2009-cu il oktyabrın 3-də Naxçıvanda türkdilli dövlət başçılarının 9-cu sammitində imzalanıb. TDƏŞ-ə Azərbaycan, Qazaxıstan, Qığızıstan, Türkmənistan və Türkiyə daxildir.