Azərbaycanlı milli-mədəni fəal Əli Rzayinin həyat yoldaşı Şiva Dadaşzadə onun vəziyyəti ilə bağlı yeni məlumat verib.
Məlumata görə, Ə.Rzayi 25 gün saxlanıldıqdan sonra həyat yoldaşı ilə telefon əlaqəsi saxlamağa nail olub. O, 2 dəqiqəlik telefon əlaqəsində Tehranın Evin zindanında saxlandığını bildirib.

Qeyd edək ki, Azərbaycanlı fəal fevralın 4-də Bəndər Abbasa ezamiyyətə gedərkən Mehrabad hava limanında təhlükəsizlik qüvvələri tərəfindən yaxalanıb. O üzərində axtarış aparıldıqdan sonra naməlum istiqamətə aparılmışdır. Axtarış nəticəsində azərbaycanlı fəala aid bir sıra şəxsi əşya o cümlədən kitab, kompüter və hətta toy mərasimi filmi məmurlar tərəfindən zəbt olunub.