Onlardan 8-i müstəqil namizədlərdir, bir nəfər isə Qazaxıstan Kommunist Xalq Partiyasının namizədidir

Qazaxıstan Respublikası Mərkəzi Seçki Komissiyasının katibi bildirib ki, Qazaxıstan Respublikasının Prezidenti vəzifəsinə öz namizədliyini irəli sürmüş iddiaçıların sayı 9 nəfərə çatıb.Katib həmçinin qeyd edib ki, onlardan 8-i müstəqil namizədlərdir, bir nəfər isə Qazaxıstan Kommunist Xalq Partiyasının namizədidir.

Namizədlər Askar Sırqabayev (fərdi fəaliyyət göstərən sahibkar), Safiolla Aldajanov (müvəqqəti işsiz), Limana Koyşiyeva (“Ruxani koqam alemi” ictimai fondunun prezidenti), Baxıt Abdukarimov (“JH-Kurılıs” MMC-nin mühəndis-inşaatçısı), Suxrab Mırzaşov (“JH-Kurılıs” MMC-nin sürücüsü), Yesenbek Ukteşbayev (ictimai xadim), Yakobjan Cunisbekov (pensiyaçı),Kanat Juman (“Astana Munay Qrup 2007” MMC-nin benzindoldurma stansiyasının rəisi) və Turqun Sızdıkovdur (Dövlət, bank idarələri və ictimai xidmət işçiləri həmkarlar ittifaqının Akmolin vilayət filialının sədri).

Maraqlı faktlardan biri isə budur ki Qazaxıstan Respublikası Prezidentliyinə namizəd Askar Sırqabayev dövlət dili imtahanından keçməyib.