Güney Azərbaycanın Şərqi Azərbaycan vilayətinin farslar tərəfindən adı dəyişdirilərə,k "Məlikan" qoyulan "Məlikkəndi" şəhərində yerli sakinlərin qəzəbinə səbəb olan vandalizm aktı törədilib. Belə ki, təqribən bir ay öncə vəfat etmiş Hacı Əzizə Rüstəmyan adlı türk xanımının üzərində türkcə yazılar, o cümlədən Quran ayəsinin ana dilimizə tərcüməsi və bir şer parçası olan məzar daşı fars-molla rejimi tərəfindən gecə ikən dəyişdirilmiş, məzarın üzərində farsca yazılı başqa bir abidə qoyulmuş, bu barədə mərhumənin yaxınlarına məlumat belə verilməmişdir.