Güney Azərbaycanın Urmiya Gölü böhranı, Azərbaycanın ərazilərində həyatı təhdid altına almaqdadır.

Əcəbşerin icra başçısı bu şəhərin Urmiya Gölündən qalxan duz tozlarına məruz qalacağı ilə bağlı xəbərdarlıq edib. İbrahim Tahiri əkinçiliyin inkişafı üzrə fəaliyyət göstərən qrupun keçirdiyi iclasda bildirib ki, “Əcəbşer şəhəri Urmiya Gölündən qalxan duz tozları istiqamətində yerləşir. Ona görə də bu böhranla mübarizə etmək üçün daha çox vəsait ayrılmalıdır.” O Urmiya Gölünün canlandırılmasına ayrılan 30 milyard riala işarə edərək duz tozları ilə mübarizə etmək məqsədi ilə bölgədə meşəsalma layihəsinin icra edildiyini bildirib.

İ.Tahiri duz tozlarının təhdidi qarşısında meşəsalma layihəsinin icrasını olduqca vacib olduğunu diqqətə çatdırıb.