ABŞ prezidenti Barak Obama martın 8-də CBS telekanalına müsahibəsində Qərblə İran arasında aparılan nüvə danışıqlarının indiki prosesinə münasibət bildirib.
Obama deyib ki, əldə ediləcək hər hansı bir razılaşma, İranın nüvə fəaliyyətinin mahiyyəti ilə bağlı Qərbin nigaranlığına son qoymalıdır: “Əgər İran Qərb ölkələrini aldatmaq niyyətində olsa, Amerika və digər ölkələrin də onun qarşısını alıb barəsində tədbir görməyə fürsəti olmalıdır.. Razılaşma Qərb ölkələrini əmin etməlidir ki, İran nüvə silahına yiyələnmək niyyətində deyil. Şübhə yoxdur ki, belə bir razılaşmanın əldə olunması mümkün olmasa, biz müzakirələr masasını tərk edəcəyik”.