Hakan Fidan yenidən Türkiyə kəşfiyyatının (MİT) rəhbəri təyin olunub. Bunu Türkiyə hökuməti rəhbərinin müavini Bülənt Arınç bəyan edib. Bu barədə "Anadolu" agentliyi məlumat verir.

Arınçın sözlərinə görə, Fidan Türkiyə Baş naziri Əhməd Davudoğlu tərəfindən yenidən təyin edilib.

Xatırladaq ki, Türkiyə kəşfiyyatının (MİT) rəhbəri fevralın 6-da istefa vermişdi. İstefaya səbəb onun parlament seçkilərdə iştirak etmək niyyəti ilə bağlı idi. Ancaq bu gün Hakan Fidan öz namizədliyini geri çəkib.

Qeyd edək ki, Türkiyədə parlament seçkiləri bu ilin iyununda keçiriləcək.