Təbrizin “Traxtur” takımını super liqa rəqabətlərinin növbəti həftəsində önəmli müsabiqə gözləyir. Cədvəlin birinci pilləsinə yüksəlmək uğrunda mübarizə aparan “Traxtur” takımı, bu yarışda Tehran konadasının səddindən keçməlidir.
İran üzrə futbol klublarının super liqa rəqabətlərinin 23-cü həftəsində keçirilən müsabiqədə “Traxtur” takımı “RahAhən”lə qarşılaşacaq.
“Traxtur-RahAhən” müsabiqəsi martın 12-i (isfəndin 21-i) yerli vaxtla saat 15:30-da Tehranın Qüds stadionunda start götürəcək. Müsabiqəni GünAz TV ekranından canlı olaraq izləyə bilərsiniz.
Qeyd edək ki, super liqa rəqabətlərinin son həftələrinə yaxınlaşdığımız bir vaxtda müsabiqənin birincliyi uğrunda ciddi mübarizə gedir. Tehranda milyonlarla soydaşımız yaşayır və o üzdən də bu önəmli müsabiqədə “Traxtur” tərəfdarlarının aktiv iştirak edəcəyi gözlənilir.