ABŞ ordusunun müştərək qərargahının rəisi general Martin Dempsi martın 11-də Amerika Senatının xarici əlaqələr komitəsinin iclasında çıxış edərək İranın İraqda oynadığı rolundan danışıb.
Martin Dempsi deyib ki, o, İranın hazırda İraqda oynadığı rolunu müsbət qiymətləndirir: “Hazırda İranın İraqdakı rolu müsbət və məqsədə uyğundur. Lakin gələcəkdən nigaranıq. Bizi nigaran edən odur ki, radikal qruplaşmalar İraqdan qovulandan sonar, Tehranın himayə etdiyi yaraqlı qruplar bu ölkənin birliyini təhlülə ilə üz-üzə qoysunlar.

Bundan başqa nigaranlığımıza səbəb olan digər məsələ də ondan ibarətdir ki, şiə yaraqlıları gələcəkdə sünnilərə və ya İraq kürdlərinə qarşı hərəkətə keçərək, bu ölkədə mövcud siyasi və ya etnik ixtilafların aradan qaldırılması uğrunda göstərilən səylərə mane olsunlar”.