Güney Azərbaycanın Sulduz şəhərində türk dili kursu fəaliyyət göstərəcək. Novruz Bayramı günləri münasibəti ilə açılan kursda Azərbaycan türkcəsi ədəbiyyatı və dili tədris olunacaq.
Novruz Bayramı tətillərində fəaliyyət göstərəcək kurs “Təlieye Fərhənge Sulduz” müəssisəsi tərəfindən həyata keçiriləcək. Bu barədə "durna news" məlumat yayıb.

Təşkilatçıların dediyinə görə, sözü gedən kurslara hər kəs qatıla bilər. Könüllülər müəssisənin ofisinə müraciət edib və əlavə məlumat ala bilərlər.

Müəssisə ofisinin adresi: Sulduz, İmam xiyabanı, qədim xəstəxanasının üzbəüzü, şəhid iftixarı küçəsi.