Bu günlərdə Azərbaycanda Novruz Bayramı günləri və Çərşənbə şənlikləri keçirilir. Hər zaman olduğu kimi azərbaycanlı milli-mədəni fəallar bu əlamətdar günlərdə azərbaycanlı siyasi məhbuslar və onların dözümlü ailəsini yad edir.
Məlumata görə, Qaradağın bir qrup milli-mədəni fəalı Azərbaycanın demokratik və milli hüquqları uğrunda apardıqları mübarizəyə görə hazırda məhbus həyatı yaşayan iki fəalın ailəsi ilə görüşüblər. Martın 18-də (isfəndin 27-də) baş tutuan görüşdə Yürüş Mehrəlibəyli və Mahmud Fəzlinin ailəsi ilə geniş söhbət aparılıb və fəallar məhbusların durumu ilə maraqlanıb. Məlumatda deyilir ki, Y.Mehrəlibəylinin ata-anası və M.Fəzlinin həyat yoldaşı xanım Heydəri vəziyyətlə bağlı məlumat veriblər.

GünAz TV