Türkiyə dünyaya 1915-ci il hadisələri haqqında həqiqəti çatdırmaq niyyətindədir. "Anadolu" agentliyinin verdiyi məlumata görə, bunu Türkiyə Böyük Millət Məclisinin spikeri Cəmil Çiçək deyib.

O, qeyd edib ki, Türkiyə hakimiyyəti 1915-ci il hadisələri haqqında bütün həqiqətləri aşkara çıxarmaq üçün komissiya yaratmağa hazır olduğunu dəfələrlə bəyan edib.

Spikerin sözlərinə görə, rəsmi Ankara 1915-ci il hadisələrindən Türkiyəyə siyasi təzyiq göstərilməsi üçün istifadə edilməsinə imkan verməyəcək.