Təbrizdə bu şəhərin “Traxtur” futbol takımı ilə “Qostəreşe fulad” komandası arasında yoldaşlıq müsabiqəsi keçirilib. Yerli vaxtla saat 16:00-da start götürən müsabiqə “Qostəreşe fulad”a məxsus stadionda baş tutub.
Qardaş komandaların müsabiqəsi (1 – 1) bərabər hesabla sona çatıb. “Qostəreşe fulad” tərəfindən birinci hissədə Cabir Ənsari və “Traxtur” tərəfindən ikinci hissədə Saman Nəriman Cahan qol vurub.

Qeyd edək ki, dünya təcrübəsində bir şəhərin iki komandasının qarşılaşması xüsusi həssasiyyətlərə səbəb olur. Lakiin bu məsələ Təbrizdə tam tərsinədir! Bu şəhərin komandaları hər dəfə qarşılaşanda tərəfdarları ilə birlikdə sözün əsl mənasında dostluq və qardaşlıq mesaji verir və müsabiqənin nəticəsindən asılı olmayaraq udan Azərbaycan olur.