Azərbaycanlı mədəni fəal, Təbriz kəndlərinin ibtidai məktəb müəllimi işdən çıxarılmaqla hədələnib.
İsa Tağıfərd mədəni fəaliyyətlərinə görə sistemin əleyhinə təbliğdə suçlanıb və 1 ay müddətinə xidmətdən uzaqlaşdırılıb. Fəaliyyəti dondurulan müəllimə bu müddətdə maaş verilməyəcək.

GünAz TV mətbuat mərkəzinin “Azoh” saytına istinadən yaydığı məlumata görə, ETTELAAT-ın xəbər mərkəzi aprelin 5-də azərbaycanlı mədəni fəalı idarəyə çağırıb və barəsində çıxarılan hökmü yazılı olaraq təqdim edib. Məlumata görə, fəal işdən çıxarılmaqla təhdid edilib.

Qeyd edək ki, adını çəkdiyimiz fəal bir müddət öncə Təbrizdə müəllimlərin kütləvi etirazı zamanı təhlükəsizlik qüvvələri tərəfindən saxlanılıb. O bir neçə saat dindirildikdən sonra sərbəst buraxılıb.