"Soydaşlar haqqında” qanunu təklif etmişəm. Məqsədim odur ki, Gürcüstanda yaşayan soydaşlarımız Azərbaycanın imkanlarından kifayət qədər yararlansın, burada qalma məhdudiyyət olmasın, əmlak-mülk sahibi ola bilsinlər”.

Bu sözləri movqe.az-a açıqlamasında millət vəkili Fərəc Quliyev bildirib. Deputatın sözlərinə görə, eyni qanun Gürcüstan da daxil olmaqla bir çox ölkələrdə tətbiq olunur. Burada "İkili vətəndaşlıq haqqında” Qanunun müəyyən hissələri öz əksini tapıb”.

Millət vəkili əlavə etdi ki, paralel olaraq ali məktəblərə qəbulda Gürcüstanda yaşayan soydaşlarımız üçün limitin ayrılması məsələni də qaldırmışam: "Onların arasında ən yaxşıları seçiləcək. Gürcüstana qayıtmaq şərti ilə burada dövlət hesabına oxuyacaqlar. Yəni, Gürcüstanda yaşayan soydaşlarımıza Azərbaycanda yaşayan soydaşlarımız qədər vətəndaşlıq hüququ verilməlidir. Bu da yalnız soydaşlar haqqında qanun qəbul etməklə mümkündür. Bu məsələ parlamentdə müzakirə olunub. Hətta artıq gündəmdədir. Hesab edirəm ki, müyyən redaktələr edildikdən sonra qəbul olunacaq”.



Mübariz BAYRAMOV