Türkiyənin Xarici İşlər Nazirliyi Avropa Parlamentinin qondarma “erməni soyqırımı”na dair qəbul etdiyi qətnaməni gülünc adlandırıb.

Türkiyə XİN-in bəyanatında qeyd olunur ki, Avropa Parlamenti daha öncə etdiyi kimi 1915-ci il olayları ilə bağlı yenidən tarix yazmağa həvəslənib: “Tarixi və hüququ əks etdirməyən bu qətnaməni qəbul edənləri ciddiyə almırıq. Bunun arxasında din və mədəni fərqliliyə görə yaranmış laqeydlik var. Avropa Parlamenti Avropa xalqları arasında ortaq gələcəyin inşasına töhfə vermək istəyirsə, bunun fərqli din və mədəniyyətləri uzaqlaşdıraraq, gerçəkləşməsinin mümkün olmadığını bilməlidir”.

Qeyd edək ki, bu gün Avropa Parlamenti qondarma “erməni soyqırımı”nın 100 illiyinin Ümümavropa anımına dair Qətnamə qəbul edib.