Güney Azərbaycanın bütün bölgələrində işsizlik və yoxsulluq hökm sürür.
Əhər və Herisin İran parlamentindəki millət vəkili bildirib ki, “Əhər və Heris əhalisi onbirinci hökumətin müvəffəqiyyətində böyük rol oynayıb, lakin bu əhali çətin vəziyyətdədir və cavanlar işsizlikdən əziyyət çəkir.”

Abbas Fəllahi Babacan vurğulayıb:

“Hazırda lisans və yüksək lisans təhsilli cavanlar yoxsulluqdan ailə qura bilmir. Kənd və şəhər əhalisi zəlzələ ilə əlaqədar aldıqları kreditləri (vam) qaytara bilmir. Səlahiyyətli orqanlardan bu kreditlərin bağışlanmasını istəyirik. Həmçinin nazirdən Əhər-Təbriz caddəsinin təmamlanıb və istifadəyə verilməsini tələb edirik.”

Millət vəkili əlavə edib ki, “müəllimlərin məişət problemləri ilə bağlı ümidsizliyə uğraması qəbuledilməzdir və hökumət bu məsələyə diqqət yetirməlidir. Onlar bizim gələcəyimizi quracaq gəncləri yetişdirir və ona görə də, onların ehtiyacları təmin olunmalıdır.”