Güney Azərbaycan Milli Azadlıq Cəbhəsi (GAMAC)-ın 2-ci qurultayına AMAT-dan TƏBRİK...



Azərbaycan Milli Azadlıq Təşkilatı (AMAT), Güney Azərbaycan Milli Azadlıq Cəbhəsinin (GAMAC) sədri, idarə heyətinin üzvləri və təşkilat mənsublarına Təbrik bəyanatı ünvanlayıb.

Bəyanatda deyilir:
" Hörmətli Prof. Qulamrza Səbri Təbrizi!
Güney Azərbaycan Milli Azadlıq Cəbhəsinin ikinci qurultayının müvəffəqiyyətlə keçirilməsi münasibəti ilə Sizi, Sizin simanızda GAMAC İdarə heyətinin üzvlərini və bütün GAMAC mənsublarını təbrik edir, Azərbaycanın güneyinin müstəqilliyi, vətənimizin bütövlüyü kimi müqəddəs ideyalar uğrunda təşkilat olaraq verəcəyiniz mücadilədə yüksək başarılar diləyirik.

Azərbaycan Milli Azadlıq Təşkilatı (AMAT)
10.01.2012 "


Türkiyə Böyük Millət məclisi Başçısı Cəmil Çiçək Laricani ilə Görüşdü


Türkiyə Böyük Millət məclisi Başçısı Cəmil Çiçəyin İran Məclis Başçısı Əli Laricani ilə edilən görüşmələrdə ikili əlaqələrin yanında İraq, Suriya və radar sistemi kimi mövzuların da gündəmə gəldiyi öyrənildi. Türkiyə Böyük Millət məclisi Başçısı Cəmil Çiçəyin dəvəti üzərinə Ankaraya gələn İran Məclis Başçısı Laricani bu səhər ilk olaraq Xarici işlər Naziri Əhməd Davutoğluyla bir araya gəldi. Daha sonra Məclisə keçən Laricani, Türkiyə Böyük Millet məclisi Başçısı Çiçək ilə görüşdü. İki ölkə Parlament heyətlərinin iştirakıyla davam edən görüşmələrdə, ikili əlaqələr, parlamentolararası təmasların inkişaf etdirilməsi, Suriya və İraqdakı inkişaflar ələ alındı.
Məclis Başçısı Laricaninin Türkiyə Böyük Millət məclisi Başçısı Çiçəklə görüşməsində Türkiyə ilə İran arasındakı güclü tarixi Bağlar və qonşuluq əlaqələrinə vurğu etdi.İran heyətinin digər təmaslarında, Türk səlahiyyətlilərin Suriya və İraqdakı inkişaflar haqqındakı qayğılarını dilə gətirdikləri, Suriyada Esad rejiminin xalqının qanını tökməyə dərhal son verməsi və Suriya xalqının haqlı islahat tələblərinin qarşılanması lazım olduğunun vurğuladıqları bildirildi. İraq mövzusunda isə, İraqın barış, sabitlik və rifah ölkəsi halına gəlməsi üçün iki ölkənin birlikdə səy göstərməsinin əhəmiyyətinə diqqət çəkdikləri ifadə edildi.
Əldə edilən məlumata görə, görüşmələrdə ayrıca Türkiyədə qurulan erkən xəbərdarlıq radarı mövzusu da gündəmə gəldi. Türk tərəfinin söz mövzusu radarın hücum tutumu olmadığını və bölgədə yayılan balistik raket təhdidinə qarşı bir müdafiə etmə sistemi olduğunu təkrarladığı öyrənildi

Fransa Qəzeti: İrana Qarşı Pərdə Arxasında savaş gedir

İrana qarşı pərdə arxasından icra edilən döyüşün artıq gizliliyi qalmadı. Fransız mətbuatına görə son aylarda İrandakı müxtəlif şexslere və hədəflərə qarşı əməliyyatların arxasında İsrail və Qərb var.
Le Figaro qəzetində 12 Yanvar/ocaq Cümə axşamı günü yazılan bu xəbərdə, İrana qarşı İsrail gizli xidməti Mossad ilə ABŞ, İngiltərə və Fransa gizli xidmətlərinin bir cür "müqəddəs ittifaq" meydana gətirdikləri irəli sürüldü.
İranın nüvə silah proqramına sürət verməsiylə İsrailin son aylarda bu ölkəyə qarşı "gizli əməliyyatları" çoxaltdığının vurğulandığı xəbərdə, söz mövzusu əməliyyatların yalnız "nüvə mütəxəssislərinin dövrə xarici buraxılması" deyil, həssas təsislərə təxribat və rejim müxaliflərinin qaçmasına kömək etmə formasında icra edildiyinə işarə edildi. Qəzet mövzu haqqında "Bağdaddakı bir təhlükəsizlik mütəxəssisini" qaynaq göstərərək həftə başında nümayiş etdiyi bir başqa xəbərdə də Mossadın İrana qarşı əməliyyatlar üçün "İraq Kürdüstanını və bu bölgəyə sığınmış İran rejiminə müxalif Kürdləri istifadə etdiyini" yazmışdı.