Təlimlər Bakı və Naxçıvanda olacaq

Azərbaycan Respublikası ilə Türkiyə Respublikası arasında hərbi əməkdaşlıq haqqında sazişə əsasən mayın 12-dən Bakıda və Naxçıvanda iki ölkənin silahlı qüvvələrinin qoşun növlərinin cəlb olunması ilə birgə taktiki təlimlər başlayıb.

Müdafiə Nazirliyinin saytının verdiyi məlumata görə, təlimlərin Naxçıvanda keçirilən mərhələlərindən biri Azərbaycanın müdafiə naziri, general-polkovnik Zakir Həsənov və Türkiyə Silahlı Qüvvələrinin 3-cü ordusunun komandanı, ordu generalı Ümit Dündarın ümumi nəzarət və müşahidəsi ilə keçiriləcək.

Təlimlər mayın 16-dək davam edəcək.