Mayın 15-də (ordibeheştin 25-də) İran üzrə futbol klublarının super liqa rəqabətlərinin qalibi müəyyənləşəcək. Hazırda cədvəlin 1-ci pilləsində yer alan Təbrizin “Traxtur” futbol takımı super liqa rəqabətlərinin 30-cu və sonuncu həftəsində Tehranın “Neft” komandası ilə qarşılaşacaq.
Müsabiqə mayın 15-i yerli vaxtla saat 17:30-da Təbrizin səhənd stadionunda start götürəcək.
Davam.az bildirir ki, "Traxtur-Neft" müsabiqəsini GünAz TV ekranından canlı olaraq izləyə bilərsiniz.
Qeyd edək ki, “Traxtur” keçən müsabiqədə Tehranın “İstiqlal” komandasını 4:1 hesabı ilə məğlubiyyətə uğradaraq super liqa rəqabətlərinin qalibi olması üçün öz şansını artırdı. O üzdən qələbənin bir addımlığında olan “Traxtur” komandasının çempion olması olduqca realdır və milyonlarla azərbaycanlı bu nəticəni gözləyir. Artıq yerli məsullar o cümlədən Şərqi Azərbaycan valisi və icra başçısı (fərmandar) ümidverici mesajlar ünvanlayıb və Təbriz əhalisinin qələbənin şənlik mərasiminə hazır olduğunu bildiriblər. Bütün bunları nəzərə alaraq stadionda çoxsaylı soydaşımızın iştirak edəcəyi gözlənilir.