Qardaş ölkə Türkiyə boksunun tanınmış çempionu Buğra Öner Atilla yenidən “Traxtur” tərəfdarları ilə bağlı öz Facebook səhifəsində ürək sözlərini yazıb: “Hər zaman “Traxtur” bozqurdlarının yanındayam.”
B.Ö.Atilla öz mesajında bunları qeyd edib: “Fars şeytan dövləti “Traxtur” tərəddarlarının haqqını tapdalayır. Son oyunda da açıq-aşkar çempionluğu türklərdən aldılar.”

O vurğulayıb ki, “Fars dövləti yalnız çempionluğu türklərdən almır, həm də “Traxtur” tərəfdarları davamlı olaraq təhlükəsizlik qüvvələrinin təzyiqlərinə məruz qalır və döyülür.”

O həmçinin əlavə edib ki, Türkiyədə heç bir komandanın tərəfdarı deyil, o yalnız “Traxtur” tərəfdarıdır.”

Qeyd edək ki, B.Ö.Atilla Türkiyə boksunun tanınmış çempionlarından biridir. O bir neçə dəfə beynəlxalq müsabiqələrdə Türkiyə üçün çempionluq medalı qazanıb. Məşhur idmançı hər zaman “Traxtur”a dəstək nümayiş etdirib və bir sıra müsabiqələrə “Traxtur” şalı ilə qatılıb.