Məktubda deyilir: "Bakı şəhərində yaşayış binasında insan tələfatı və xəsarətlə nəticələnən güclü yanğın barədə xəbəri dərin kədər hissi ilə qarşıladım.

Bu çətin sınaq anlarında Sizə və həlak olanların ailələrinə Moldova Respublikası xalqı adından və şəxsən öz adımdan dərin hüznlə başsağlığı verirəm".

İsrailin Akko şəhərinin meri Doktor Şimon Lankri də Bakıda yaşayış binasında yanğın nəticəsində baş vermiş faciə ilə əlaqədar Azərbaycan prezidentinə başsağlığı verib.

Qeyd edək ki, mayın 19-da Bakının Binəqədi rayonunda çoxmərtəbəli binada baş verən yanğında 15 nəfər ölüb, 50 nəfər müxtəlif dərəcəli xəsarət alıb.