Qərbi azərbaycanlıların Ermənistan Respublikasına qarşı beynəlxalq müstəvidə vətəndaş cəmiyyəti səviyyəsində mübarizəsinin istiqamətləri müzakirə olunaraq, ilkin cəhd qərarları alındı


Dünən - 25 may 2015-ci il tarixində, Milli Dirçəliş Hərəkatı Partiyasının sədri, millət vəkili Fərəc Quliyevin iştirakı ilə partiyanın Qərbi Azərbaycan Departamentinin toplantısı keçirilib. Toplantıda Departamentin perspektivləri müzakirə olunduqdan sonra, Fərəc Quliyevin tövsüyələri əsasında görüləcək işlərin proqramı tərtib edilib. Keçiriləcək tədbirlər və Departamentin qarşıya qoyduğu Vətən uğrunda mübarizə proqramının detalları müzakirə olundu və əhəmiyyətli qərarlar alındı. MDHP Qərbi Azərbaycan Departamenti Qərbi azərbaycanlıların mədəni kordinasiya mərkəzi kimi fəaliyyətə qərar verərək, Qərbi Azərbaycanla bağlı tədbirlər planı tərtib etdi və Qərbi azərbaycanlıların Ermənistan Respublikasına qarşı beynəlxalq müstəvidə vətəndaş cəmiyyəti səviyyəsində mübarizəsinin istiqamətləri müzakirə olunaraq, ilkin cəhd qərarları alındı.
Tədbirin sonunda qarşıdan gələn Parlament seçkiləri müzakirə edildi. Qərbi Azərbaycan Departamentinin seçkilərə hazırlığı və bununla bağlı seçkiqabağı fəaliyyəti müzakirə olundu.