Ərdəbil şəhərinin əhalisi bir neçə gündür yaz yağışları və şəhərdə cəmləşən sulardan əziyyət çəkir. Məlumata görə, gediş-gəlişi çətinləşdirən sular bir sıra mağazalara xəsarət də vurub.
Şəhərdə qeyri-standard üsulla tikilən yeraltı keçidlərin birində suyun cəmləşməsi ciddi problemə səbəb olub. Belə ki, sərnişinlərlə dolu avtobus suyun cəmləşdiyi yerdən keçərdən hərəkətdən dayanıb və sudan çıxa bilməyib. Məlumata görə, sərnişinlər bu hadisədən olduqca vahiməyə düşüblər, lakin xoşbəxtlikdən xəsarət alan olmayıb və sərnişinlərin hamısı imdad qrupu və əhalinin yardımı ilə bu hadisədən qurtarılıb.