Qətldə ittiham olunan məhbus Təbrizin mərkəzi zindanında edam edilib.
Edam olunmuş məhbus iki il öncə öz yerlisini qətlə yetirməkdə günahlandırılıb. Noruz Bəsiri 3-cü gün (çaharşənbə günü) dar ağacından asılıb.

N.Bəsiri Şərqi Azərbaycan vilayətinin Məlikan bölgəsindəndir.

Bu arada İranın Gəçsaran şəhərində 1 və Kirman şəhərində 2 nəfər edam edilib. Son günlərdə Edam edilən şəxslər qətl törətməkdə günahlandırılıb.

Qeyd edək ki, İran İslam Cümhuriyyəti Çinlə yanaşı edamların sayına görə dünyada birinci yerdədir. Edamlar həbsxanalarda, əhalinin gözü qarşısında və elan olunmamış şəklində həyata keçirilir.