Ekologiya və Təbii Sərvətlər Nazirliyindən bildiriblər ki, iyunun 6-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-qərb küləyi əsəcək, gündüz güclənəcək. Günün ikinci yarısında yarımadanın bəzi yerlərində küləyin sürəti saniyədə 25-30 metrədək güclənəcək.

Havanın temperaturu gecə 19-23, gündüz 26-31 dərəcə isti olacaq.
Azərbaycanın rayonlarında iyunun 6-da axşam və gecə bəzi yerlərdə şimşək çaxacağı, yağış yağacağı gözlənilir. Ayrı-ayrı yerlərdə leysan xarakterli olacağı, dolu düşəcəyi ehtimalı var. Qərb küləyi əsəcək, ayrı-ayrı yerlərdə arabir güclənəcək.

Havanın temperaturu gecə 18-23, gündüz 31-36, dağlarda gecə 11-16, gündüz 22-26 dərəcə isti olacaq.