Güney Azərbaycanın Urmiyə şəhərinin İran parlamentinin millət vəkili növbəti dəfə Urmu gölünü canlandırma mərkəzini tənqid atəşinə tutub.
Nadir Qazipur bildirib ki, “Urmu gölünü canlandırma mərkəzi sadəcə əlavə xərclər çıxardır. Ötən il 729 milyard tümən Urmu gölünün canlandırlıması üçün büdcə ayrıldı. Bu pulun əsas hissəsi araşdırmaya, ezamiyyət haqqına və kitab çapına xərcləndi və gölün canlandırılması üçün heç bir nəticəsi olmadı.”

Millət vəkili əlavə edib ki, Urmu gölünü canlandırma mərkəzi gölün canlandırmasını bəhanə edərək Qərbi Azərbaycanda bəndtikmə işlərini dayandırdı. Halbu ki, digər vilayətlərdə bu işlər tamamlandı. Bütün bunlar Qərbi Azərbaycan əhalisinə zülm etməkdir.”

N.Qazipur sözlərinin sonunda vurğulayıb ki, “Ətraf-Mühit Təşkilatı Urmu gölünün canlandırlması üçün ayrılan büdcənin harada xərcləndiyinə cavab verməlidir.”