“Birinci Avropa Oyunlarına çox ciddi hazırlaşırıq və inanıram ki, bu Oyunlarda da ölkəmizə medal qazandıracağam”. Bunu birinci Avropa Oyunlarında ölkəmizi təmsil edəcək cüdo üzrə yığma komandamızın üzvü Rüstəm Orucov deyib.

R.Orucov bildirib ki, idmançı yarışa nə səviyyədə hazırlaşırsa, elə də nəticə göstərir: “Hazırda Göygöldə təlim-məşq keçirik. Hər bir idmançının istənilən medala ümidi var və hər kəs istərdi ki, bu medal qızıl olsun. İnşallah, mən də qızıl medal üçün çalışacağam. Biz əlimizdən gələni edirik, yüksək səviyyədə hazırlaşırıq ki, yüksək nəticələr əldə edək”.

Axırıncı dörd yarışmanın 3-də qızıl, birində isə bürünc medal qazandığını qeyd edən cüdoçumuz bununla kifayətlənmədiyini və Avropa Oyunlarına daha ciddi hazırlaşdığını bildirib.