Ayxan Tağızadə bu qələbəni Azərbaycan xalqına və prezidentinə həsr etdiyini bildirib

Azərbaycan prezidenti İlham Əliyev Bakı-2015 Avropa Oyunlarında qızıl medal qazanmış taekvondoçu Ayxan Tağızadəni təbrik edib.

Apasport.az saytının xəbərinə görə, A. Tağızadənin qələbəsindən dərhal sonra Azərbaycan prezidenti İlham Əliyev idmançımızla telefonla danışaraq, onu qələbəsi münasibətilə təbrik edib. Prezident Ayxan Tağızadəyə gələcək yarışlarda uğurlar arzulayıb.

A.Tağızadə bu qələbəni Azərbaycan xalqına və prezidentinə həsr etdiyini bildirib.