"Azərbaycandakı mövcud idman infrastrukturu bu ölkəyə daha böyük miqyaslı idman tədbirlərini keçirməyə imkan verir".

Bu sözləri Fransanın francetvsport.fr saytına müsahibəsində bu ölkənin İdman və Olimpiya Komitəsinin prezidenti Denis Masseqlia deyib.

D.Masseqlia bildirib ki, 2016 və 2020-ci illər Olimpiya Oyunlarının iddiaçılarından olmuş Azərbaycan Avropa Oyunlarında əldə etdiyi uğurdan çıxış edərək yenidən Olimpiya Oyunlarına ev sahibliyi üçün şansını sınaya bilər: „Əgər İlk Avropa Oyunları gözlənilən nəticəni versə, Azərbaycan 2024-cü il Olimpiya Oyunları üçün iddiaçılardan ola bilər“.

Saytdakı məqalədə Bakı 2015 ilk Avropa Oyunları ilə bağlı geniş məlumat verilib və Azərbaycanın bu Oyunları yüksək səviyyədə keçirmək üçün hər cür imkanının olduğu bildirilib.