Bu gün I Avropa Oyunlarında qadınlar arasında qılıncoynatma üzrə yarışların qrup mərhələləri keçirilib.

Yarışlarda ölkəmizi təmsil edən bütün 4 idmançı növbəti mərhələyə adlayıb.

Səbinə Mikina və Sevinc Bunyatova qələbə qazanaraq 1/8 final mərhələsinə çıxıblar.

Sevil Bunyatova və Fatimə İbrahimova müvafiq olaraq 4 və 3 qələbə qazanaraq 1/16 final mərhələsinə adlayıblar.

S.Bunyatova polşalı Maqdalena Pasternak, F.İbrahimova isə italiyalı Rebekka Qarqano ilə qarşılaşacaq.

İbrahimova-Qarqano cütlüyünün qalibi 1/8 finalda Sevinc Bunyatova ilə qarşılaşacaq.

S.Mikina Yana Obvintseva (Rusiya) - Byanka Pasku (Rumıniya) cütlüyünün qalibi ilə görüşəcək.