Təbriz şəhərinin bir çox xəstəxanasının tibb bacıları etiraz aksiyası keçirib.
Uşaq xəstəxanası tibb bacılarının etirazından sonra Şəhid Mədəni və Əlzəhra xəstəxanalarının tibb bacıları da etiraz aksiyası keçirib.

Məlumata görə, etirazçılar tibb bacıları xidmətləri ilə bağlı tarif qanununun icra edilməməsinə etiraz ediblər. Etirazçılar bildirib ki, sözügedən qanun 8 il öncə parlamentdə təsdiq edilib, lakin hələ də icra olunmayıb.

Qeyd edək ki, Təbrizdə iki gün öncə uşaq xəstəxanasının tibb bacıları etiraz aksiyası keçirib, bir gün sonra isə etirazlara Şəhid Mədəni və Əlzəhra xəstəxanasının tibb bacıları qoşulub.